Back

ⓘ Садула Дураку




Садула Дураку
                                     

ⓘ Садула Дураку

Садула Дураку - македонски политичар од албанска етничка припадност. Дипломирал на машинскиот факултет при универзитетот во Приштина во 1990 година. На функцијата министер за земјоделство, шумарство и водостопанство доаѓа од царинската управа каде ја вршел функцијата заменик-директор.

Од 1997 до 2000 година бил наставник во техничкото училиште "Наце Буѓони" во Куманово, а во периодот од 2000 до 2002 година е виш царински соработник во царинската управа. Бил градоначалник на општина Липково во периодот 2009–2017. Во 2017 бил назначен за министер за животна средина и просторно планирање.

Дураку бил учесник во воениот конфликт од 2001. Тој во летото 2001 со уште двајца припадници ОНА го завртел вентилот за довод на вода од Липковското Езеро по што населените места од кумановскиот крај немале вода неколку седмици. Поради тој случај го добил прекарот "Командант Вентили", за настанот бил отворен и судскиот предмет "Липковска брана".